6 маусым күні 2024ж. филология факультетімен бірігіп ұлы ақын, орыс әдебиетінің негізін салушы А.С. Пушкиннің туғанына 225 жыл толуына арналған әдеби кеш ұйымдастырылды. Аталмыш шараға филология факультетінің профессор-оқытушылар құрамы және ғылыми кітапхана қызметкерлері мен студенттер қатысты. Әдеби кеш барысында ақын, жазушының шығармашылығымен жас буынды таныстыру мақсатында «Тілдер, әдебиет және ақпарат» , «Тілдер мен әдебиет мұғалімдерін даярлау» БББ студенттері арасында викториналық сұрақтар қойылып, Сабина Шархан, Ермекова Анара, Табылдиева Индира, Садыков Абылай, Жазыкова Сабина, Каржаубаева Аэдина атты студенттер А.С. Пушкиннің шығармаларын жатқа оқыды. Кеш соңында ақынның ескерткішіне гүл шоғы қойылды.